|
|
|
GRAND-MERE
Paroles & Musique : JORON Frédéric
Video (source : Télé Kréol)
|
Oté gran mère sant enkor po mwin ti flér fané
Rakont a mwin ton misér dand tan ke toué la vé
pwin manzé
Kar mi rapel enkor kan té ariv loror
Koq té out révey. Sat lé mien té lodèr kafé
Zorkidé té embomm la kour komm flér mang dand verzé
Dand ton rèv lavé lamour
Dand ton zié lavé lamitié
In bertel si ton zépol po nou mont labitasion
Kan la pli i tomb si la tol i fé mont mon sentimen
Dand silens la nuit la briz la po karès mon visaz
Mé tou sa lé komm in léklips la po nwarsi mon péizag
Kan té ariv zour d'lan. In ti likér maribrizar
En kompani din paté kréol. La nout tout té rakont zistwar
Na in fwa ou la pléré. Pars ke gran pér té vé tap aou
Mi rapel enkor tout sa la mémé
Se swar la gran pér lé té sou
Oté ti frér di la viey di le vié arét pléré
Tro tar ti frér. Gran mèr la fyn ferm lo zié
Kan mi regard lorizon. Kan mon zié lé koulèr flamboyan
Mi di ké Noël i sa arivé. Zour d'lan tout suit deriér
E nou sa komens in lané en labsens de not mémér
Ozordi mwin va krié. E pardon si mi plèr
Kan ou té réflési lontan
Mwin té di dand ton tét souv'nir la po romont kouran
Mi lès la port dériér ouver. En ka si in zour ou vé artourné
Mé wokilé not mémér. Dia li sant enkor po mwin ti flér fané
Tro tar ti frér. Gran mèr
La fini alé
|
|
|
|
|
|
|
|
